بسم الله الرحمن الرحيم
تتكون من 3 اقسام :
1) قسم الكهرباء
2) قسم مواد معماريه الحاسوب و كيفيه عمله و تصميمه
3) قسم مواد البرمجه وقواعد بيانات
اخر سنه بتتخصص بالشبكات :
اساسيات الشبكات و كيفيه تصميم الشبكات وحمايتها وانواع الشبكات
خطه التخصص في كليه الهندسه التكنولوجيه ( البوليتكنك)
الان ادخل هذا التخصص ولا لا ؟
ركز على هاي الجمله "هذا التخصص رائع اذا كنت حاب تدرسه !!"
اذا كنت داخل بس مشان تخصص هندسه ما بنصحك لانه في كثير ناس دخلوه و طلعو على الفاضي لانهم ما اتعمقو فيه
لكن اذا انت حاب تدرس و تصير مهندس مبدع هذا التخصص من افضل التخصصات لانه متجدد ليس كباقي التخصصات كل سنه بنزل شغلات جديده يعني بامكانك تصير محترف اكثر من الدكاتره فيها لانه بكون دكتورك على معلومات قديمه على زمنه وانت بتدرس شغله جديده !!
صحيح هاي ميزه لكن ممكن تكون سيئه انك لازم تظل تدرس حتى بعد التخرج حتى ما تصير معلوماتك قديمه
واذا حاب تدخل عالم الحمايه والاختراق راح يفيدك كثير يعني اذا كنت قد حالك وبتقدر تدرس لحالك و تقرا بامكانك تدخل في مجال الحمايه لانه راح يصير مطلوب بشكل خرافي في السنين المقبله بسبب انتشار الاجهزه يلي بتعمل عن طريق الانترنت
( مثلا الثلاجه راح تصير موصوله بالانترنت internet of everything
طبعا في النقابه احنا بندخل تحت قسم الكهرباء فرع هندسه الحاسوب فرع الشبكات
فانت هيك بتوخذ مواد من قسم الكهرباء وبتوخذ مواد من تخصص علم الحاسوب
فبصير معك اكثر من خيار حتى تشتغل وتتخصص :
1) تتخصص في تطوير انظمه الحاسوب
2) تتخصص في الكترونيات الحاسوب و اجهزه الشبكات
3) مدير سيرفرات
4) مصمم قواعد بيانات و مدير
5) مصمم شبكات وهون شغل الشبكات الصحيح و كل ما اخذت دورات متقدمه كل ما اتقدمت في منصبك وزاد اجرك وفي دورات كثيره للشبكات وانت بتختار حسب الشركات و شو نوع الاجهزه يلي عندهم و الشركه المشهوره لصنع اجهزه الشبكات والكل بوخذ دوراتها cisco
6) برمجه وتركيب اجهزه الشبكات
7) حمايه السيرفرات ومخترق الاخلاقي ethical hacker
8) متخصص في حمايه البرمجيات
9) دعم فني
10 ) مبرمج مواقع
11) مبرمج تطبيقات موبايل
طبعا هذا القليل وفي السنين القادمه راح يكون في تقنيات جديده وعمل جديد
--------------------------------------------------------
هذا الجزء للي داخلين حابين التخصص وبدهم يحترفو فيه !!
الشغل الخارجي وانت ومهارتك
بامكانك تدخل مجال الحمايه لكن بدها دراسه وشغل كثير وبعد ما تتعب راح يصير وضعك قوي
وهي انك تتعلم كيف تلاقي ثغرات في المواقع او ابرامج او الانظمه وكل ثغره ممكن تبيعها او تستخدمها مثل ما بدك و حاليا في ناس كثير وجدو ثغرات في مواقع مثل الفيس بوك و اخذو مكافئات كبيره وبتكون حسب الثغره لكن اكبر من 10 الاف دولار
وحلاوه هذا الشغل انك وانت قاعد بالدار بتشتغله واذا مش سائل بالمصاري بامكانك تستخدم هذا العلم في الجهاد الالكتروني ..
غير هيك بما انك تعلمت البرمجه بامكانك عن طريق مواقع الناس تطلب منك تبرمجلهم تطبيقات ايش ما كانت وانت بتوخذ اجرك على عدد الساعات او النتيجه النهائيه ..
ليست هناك تعليقات:
إرسال تعليق