الأحد، 28 أغسطس، 2016

كيف نفهم مجال إدارة المواقع الالكترونية ومصطلحاتها

بسم الله الرحمن الرحيم

موضوعنا اليوم كيف نفهم مجال إدارة المواقع الالكترونية ومصطلحاتها ليسهل عليك دخول في هذا العالم والاحتراف فيه  
,,


طبعا الموضوع راح يكون بسيط وسهل لكن لازم تفهم الموضوع وتمشي
خطوة خطوة عشان لا تتعقد عندك الامور وصير الموضوع معقد ... في موضوع هاد راح نتعرف على اللغات البرمجيه التي تستخدمها وشو هي قاعدة البيانات ويكف نتعامل معها وكيف نربط بينها وبين التطبيقات (Application) وغيرها



نبدا ^^
الموقع الالكتروني بتكون من جزئين رئيسيين :
التصميم و البرمجة

التصميم : هو شكل الواجهة والصفحات الداخلية وتصميم المكونات والألوان و….الخ،

اما البرمجة : فهي الي بدير محتويات الموقع وتنظيم العمل وتسهيل الاضافة المحتوى الى الموقع 

هاد التقسيم اساسي لكل موقع سواء موقع صغير او كبير 


وكمان على المواقع العملاقة زي مواقع التواصل الاجتماعي


هسة عادة ما بسمو برمجة الموقع بــ (CMS)  وهي اختصار لــ 

(Content Management System) أحيانا يتم إضافة كلمة (Web) في 

بداية المسمى للدلالة إلى أنه خاص بمواقع الانترنت وليس أي محتوى آخر، 

فيستعمل الاختصار (WCMS)، 

هذا النظام هو المسؤول عن إدارة الموقع في جميع جوانبه، ويوفر الواجهة

البسيطة للمستخدم العادي كي يكون قادر على إدارة الموقع والمحتوى، 

وتستخدم أدوات ولغات برمجية لبناء النظام مثل (php) و (Asp.net) 

وغيرها من اللغات البرمجية المعروفة

أما التصميم فيتم استخدام أدوات ولغات اخرى مثل (html) و (CSS) لإعداد وتجهيز واجهة الموقع وشكله الخارجي.

بدنا نبدا خطوات لحتى نبدا نعرف في هذا المجال وندخل فيه
..
اول اشي بدنا نعرف هاي المواضيع قبل كل اشي :
١- ما هي mysql وما هي phpmyadmin
٢- ما هو ال Appserv وكيف يمكن تثبيته (Install)
٣- ما هو ال WordPress وكيف يمكن تشغيله علي السيرفر المحلي Appserv
٤- كيف تقوم بحجز مساحة إستضافة مجانية و domain مجاني وتقوم بتشغيل ال WordPress عليها
٥- ما هو سكربت Vbulletin وكيف تقوم بتركيبه علي إستضافة مجانية أو علي ال Appserv

**
xxamp  برنامج بديل عن appserv



هسة بعد ما قرانا وفهمنا النقاط الي قبل .. بدنا نبدا نعمل اول مواقع النا ونبدا التطبيق العملي

6- بدنا نبدا نقرا ونتعلم عن الــ HTML ونبدا بتصميم اول صفحة فيها ونضل نتمرن عليها منيح والخطوة هاي سهلة وممتعة بنفس الوقت وانت بتجرب وبتعمل اول صفحة الك وترفعها على الانترنت
طبعا ممكن تتعلمها من اي موقع او كورس او فيدوهات انت بتفضلها
وهي روابط بنصح فيها انك تبدا فيها وتتعلمها


7- بعدها بيجي دور لغة PHP  وطبعا ابدأ بتطبيق المباشر للتنجز وتحترف بشكل اكبر
وهي روابط بنصح فيها :



8- بعدها بيجي دور لغة Java script



إن شاء الله بعد ما تخلص هاي الخطوات أضمن لك انك تفهم منيح كيف تعمل مواقع الانترنت وشو هي قواعد البيانات وكيف ديرها وربطها بالتطبيقات وراح تعرف المصطلحات المنتشرة في هذا المجال
وطبعا راح يوخذ معك وقت انك تقرا كل هاي الامور وتتمكن منها ..فابدها شدة حيل شوي ^^

لا تنسونا من دعائكم







مواضيع ذات صلة

كيف نفهم مجال إدارة المواقع الالكترونية ومصطلحاتها
4 / 5
Oleh